إذا كنت من الناس اللي تجيهم رسائل كثيرة على الواتساب سواء من العملاء أو الأصدقاء، وتحتاج طريقة سهلة ترد فيها على الرسائل بشكل تلقائي فأنت أكيد محتاج تطبيق AutoResponder. في هالتدوينة، راح نتكلم عن مميزات التطبيق، كيف يخدمك، وطريقة تحميله عشان تستفيد منه بالشكل الأمثل من خلال تجربتي في استخدامه الممتده لأكثر من أربع سنوات .
تطبيق AutoResponder هو أداة تسهّل عليك عملية الرد على الرسائل في الواتساب بدون ما تحتاج تكون متصل 24/7. تقدر من خلاله تضبط ردود تلقائية حسب الكلمات أو العبارات اللي تجيك، وهذا شيء مفيد جداً خصوصاً لأصحاب الأعمال، أو اللي عندهم انشغال ويحتاجون يردون بسرعة على الناس. ومن خلال بحثي طوال هالسنوات مالقيت منافس له .
مميزات تطبيق AutoResponder للواتساب
- الرد التلقائي على الرسائل: تقدر تبرمج ردود جاهزة لأي كلمة أو جملة يرسلها الشخص لك.
- الجدولة: التطبيق يسمح لك تحدد وقت معين ليرسل الرد، فمثلاً لو عندك رسالة صباحية أو رد معين في أوقات محددة، التطبيق بيكون بطل بهالخاصية.
- دعم المحادثات الفردية والجماعية: مو بس يدعم الرسائل الفردية، حتى المجموعات تقدر تضبط لها ردود مخصصة.
- تخصيص الردود: تقدر تعدل الردود بشكل يناسب أسلوبك الخاص، يعني مو شرط ترد بكلام رسمي، تقدر تخليه عفوي.
كيف تستفيد من تطبيق AutoResponder؟
مثلاً لو عندك بزنس وحاب تبيع منتج تقدر تضبط ردود تلقائية لكلمة معينة مثل (شراء) وتطلب من العملاء إرسال هذه الكلمة للحصول على تفاصيل أو تجيب على الأسئلة المتكررة، كذا بتوفر وقت وبتريح راسك. أو حتى لو كنت دايم مشغول أو عندك أشغال، ممكن تخلي التطبيق يرد على الأهل أو الأصحاب لما تكون مو متفرغ بس الاستفادة الاكبر لاصحاب الأعمال .
طريقة تحميل تطبيق AutoResponder للواتساب
التطبيق متوفر في متجر Google Play فقط ، تقدر تحمله وتبدأ بضبط الردود بنفسك بكل سهولة. التطبيق يوفر نسختين، مجانية ومدفوعة، وكل ما كانت احتياجاتك أكثر تقدر تستفيد من النسخة المدفوعة لخصائص متقدمة. بالنسبة لي اشتريته قبل سنوات وكان بـ 99 ريال شراء مره واحدة لكن حاليا صار باشتراك شهري
للتحميل :
https://play.google.com/store/apps/details?id=tkstudio.autoresponderforwa&hl=en
ليش تطبيق AutoResponder هو الخيار الأفضل إلى الآن بالنسبة لي ؟
- راحة وتوفير وقت: التطبيق يريحك من الردود المتكررة، ويساعدك تركز على أشياء ثانية.
- فعّال للأعمال: خصوصاً لأصحاب المشاريع اللي يعتمدون على الواتساب للتواصل مع العملاء.
- سهل الاستخدام: حتى لو كنت مو خبير بالتقنية، إعداد التطبيق سهل وواضح.
لو ودك ترتاح من الردود المتكررة وتكون موجود في الواتساب حتى لو كنت مشغول، حمل تطبيق AutoResponder واستمتع بمزاياه. وفي ملاحظة بسيطة واجهة التطبيق باللغة الإنجليزية والتطبيق متوفر منه نفس الخدمة للتطبيقات الثانية ( انستقرام وتليجرام ) جاري تجربتها إن شاء الله .وإذا عندكم أي استفسار عنه أو عن استخدامه اكتبوه في التعليقات ❤